- ജതിന്‍ പി
ഗോര്‍ക്കിയുടെ 'അമ്മ'യെ പരിചയപ്പെട്ടത്
മുതല്കാണ് ഒന്നാമന്‍ വിമോചനം
സ്വപനം കണ്ടു തുടങ്ങിയത്
ഹിന്ദുത്വം അതിശ്രേഷ്ഠമെന്ന ബോധോദയം
തൊട്ട് രണ്ടാമന്‍ കാക്കി-
ട്രൗസറണിഞു തുടങ്ങി
കോണി കയറിയാല്‍ സ്വര്‍ഗത്തിലെത്തുമെന്ന്
കേട്ടപ്പോള്‍ മൂന്നാമന് പച്ചപ്പ്
ആകര്‍ഷകമായി തോന്നി
ഇവന്‍ നിന്റെ വഴിയിലെ മുള്ളെന്ന്
നേതാവ് പറഞപ്പോഴാണ് അവര്‍
അന്യോന്യം വാളോങ്ങിയത്
അധികാരിയുടെ മുറിയില്‍ ചര്‍ച്ചയും
അണ്ടിപരിപ്പും കഴിഞ്ഞപ്പോള്‍ നേതാക്കള്‍
കയ്യ് കൊടുത്ത് പിരിഞ്ഞു
അടുത്തടുത്ത ടേബിളില്‍ കിടക്കുമ്പോഴും
അവരുടെ മുഖത്തു ജീവിതസാഫല്യം
നിറഞ്ഞിരുന്നു
No comments:
Post a Comment